الحلوة كان نفسها تظهر ع الفضائية مكياج دا ولا جالون بوية

الحلوة كان نفسها تظهر ع الفضائية
مكياج دا ولا جالون بوية ياوش قضية
وثقافة إيه ؟!! ولا اللى ساقطة ابتدائية
يلا بنا نسمع ح تقول إيه واهى تسلية

بتقول على العسكر مظاليم
ومجلس اللواءات ده عظيم
لكن اللى ف الميادين تنظيم
قابضين عشان عايزين تقسيم
دى نطاعة واستهبال
ماتجيش ف يوم على بال
ياعقول وجالها هزال
ياكهنة الزيف والتعتيم

ياعرة الإعـلام ياجحوش
هو انتو إيه مابتتكسفوش
مابتختشوش ولابتحسوش
ياحسرة على احساس مغشوش
من العاهات اسكتفينا
يالعنة بتطل علينا
بنتسحـل واتذلينا
وعيونكو شايفة القتل رتوش

دوشة وزعيق ونهيق و صياح
توك شو حـوار ده ولانبـــــاح
تخالفنى عندى سى دى فضاح
دى ثورة ولايادوب إصـــــلاح
يامصر فوقى قومى بينا يالا
حزب النطاعة هلكـونا والله
إعلام زبالة والرزق على الله

http://www.youtube.com/watch?v=xT80Wb7-GJg&feature=related

الحلوة كان نفسها تظهر ع الفضائية مكياج دا ولا جالون بوية ياوش قضية وثقافة إيه ؟!! ولا اللى ساقطة ابتدائية يلا بنا نسمع ح تقول إيه واهى تسلية بتقول على العسكر...
Sent from my BlackBerry® from Vodafone