أزمة كبيرة مع ابو حفيظة بسبب اغنية بلاد طيبة في حلقة الزواج اسعد الله مساءكم

محمد منير يوجه رسالة لـ"أبو حفيظة".. ومؤلف "بلاد طيبة" يهدده!

10/29/2014   9:10 AM

شيماء الشاهينى

 

فى حلقة "نصائح للمقبلين على الزواج" الشهيرة من برنامج "أسعد الله مسائكم" الذى يقدمه الإعلامى أكرم حسنى، المعروف إعلاميا بشخصية "سيد أبو حفيظة"، قام باستخدام لحن أغنية "بلاد طيبة" للنجم محمد منير، والفنانة أنوشكا، وكلمات مدحت الخولى، واستخدم كلمات كوميدية تتماشى مع موضوع الحلقة.

 

وفوجئ "حسنى"، بأن مدحت الخولى مؤلف الأغنية الأًصلية، قرر اللجوء للقضاء، بتهمة التعددى على حقوق الملكية الفكرية، واستخدام لحن الأغنية دون الحصول على إذن مسبق منه.

 

وأوضح اكرم حسنى، أنه طلب رسميا من جمعية المؤلفين استخدام لحن الأغنية فى برنامجه، وتم دفع  مبلغ مالى، وبناءا عليه تم الحصول على موافة من الجمعية بذلك.

 

وأوضح "حسنى "، ذلك عبر حسابه الخاص بموقع التواصل الاجتماعى "فيس بوك" قائلاً: "" لمن يهمه الامر"

علي الرغم من ان في ألف حاجة اهم من الموضوع اللي هاتكلم فيه لأن ظروف البلد مش ناقصة ولكن من حقي ارد علي ادعاءات بدأت تنتشر اليومين اللي فاتوا عن اني تعديت علي حقوق الملكية الفكرية للاستاذ المحترم/ ‫#‏مدحت_الخوليمؤلف و ملحن اغنية " بلاد طيبة " للكينج محمد منير و الفنانة الكبيرة انوشكا و اني استخدمت لحنها في برنامج ‫#‏اسعد_الله_مساءكم_من_جديد بدون ما اخد تصريح بده ".

 

وأضاف: "اولا : انا عمري ما تعديت علي حق او مجهود اي فنان او مبدع لاني عارف كويس اوي يعني ايه حد يتعب و يلاقي حد جه اخد مجهوده علي الجاهز و نسبه لنفسه و بالتالي قبل ما استخدم لحن الاغنية تقدمت بطلب لجمعية المؤلفين و الملحنين بتاريخ الثامن من اكتوبر الجاري لاستخدام اللحن و تم التصريح ليا باستخدامه".

 

وتابع: "ثالثا: الاجراء اللي انا باعمله ده مش وليد النهاردة لاني باقدم برامجى في التليفزيون من اكتر من خمس سنين و هتلاقوا صورة مع البوست ده بتوضح اني باعمل ده من سنة 2010 لحفظ حقوق المبدعين اصحاب الحقوق ".

 

وأوضح أنه تلقى رسالة من الكينج بصفه شخصية متنها: "رابعا : و ده اهم ما يعنيني في الموضوع بعد اتخاذي كافة الاجراءات الرسمية هو اتصال الكينج الفنان الحقيقي اسما و حجما/ ‫#‏محمد_منير بيا .. فوجئت بيه بيكلمني في التليفون و بيقوللي يا اكرم انا باحييك علي الاغنية و انا اتبسطت بيها جدا و ضحكت من قلبي و انا باتفرج عليها و اوعي تلفت لاي حد عايز يحبطك و خليك مركز في شغلك و بس .. و ده ان دل علي حاجة ف بيدل علي احترام هذا الفنان وان حجمه الفني و تاريخه دول ماجوش من فراغ .. تحية من كل قلبي للكينج لتواضعه و حبه للناس".