دشن شاب يدعي انه ضابط شرطة صفحة علي الفيس بوك لأستعادة هيبة الشرطة تحت عنوان'' الشرطة حرقاك علشان معلمة علي قفاك''، ونشر أدمن الصفحة عدد من الفديوهات والصور علي الصفحة والتي تحتوي علي عدد من مشاهدات التعذيب التي كانت تمارسها اقسام الشرطة اتجاه المواطنين، والغريب عند سؤال الادمن في احد التعليقات عن هدفه من الصفحة، قال<< ونبي تدوني الولاعة نفسي أولع روما بحالها>>
بينما علق احد الشباب، الذي ادعي انه ضابط هو الاخر، << انا ضابط شرطة وأكيد اللى عامل البادج دي مش ضابط ولا اساسا ليه علاقة بالشرطة وياريت لو سمحت اتقي الله في بلدك وكفاية اشاعات وتحريض واقفل البادج وحسسني انك بتحب مصر>>
بينما عقب محمد صوان، طالب بأكاديمة مبارك للأمن،<< ياريت الامور الى عامل كده يعرفنا هو مين بالظبط>>، بينما أيد مروان سيد، فكرة الصفحة قائلا<< هوة لما الناس كلها اتريقت على الشرطة و شتمو الضباط و حرقو الاقسام و هجمونا فى الاعلام و طلعونا خونة و خدامين للنظام و الناس كلها قعدت تتكلم علينا كان حلو و جميل و رائع و مش معقول ومحدش طلع و قال عيب دول اللى بيحمونا و دلوقتى لما اتكلمنا احنا بتهريج بقينا وحشين محد يرد عليا>>
بينما انتقدت كيمو اجندة فكرة الصفحة، قائلة<< فرحان بسلاحك و تهديدك للناس بيه؟أفتكر يوم ما كنت بتقلع هدومك عشان محدش يعرف أنك شرطة,افتكر يوم ما نطيت و سيبت نقطتك لاحسن حد يعلم عليك,افتكر يوم ما كنت بتجرى فى الشارع زى المتطاهر,ولايا صحيح ملهومش الا الصويت.
فيما قال محمد صلاح، تعليقا علي أسم الصفحة، << بتجيبوا لنفسكوا الضرب والتهزيء تانى ليه بس..ماكنا خلاص هنتبدى نسيبكوا تنزلوا وتتفشخروا بالبدله وشوية الكراكيب اللى بتبئى فى ايديكوا..مش هنهمد غير لما نتفقع علقة السنيييييين ونحليلكوا الجهاز كله مش امن الدوله بس ونقعدكوا فى البيت ونلبسكوا بدل الكابات طرررررررح.....ههههههههه..على رأى محمد هنيدى .. ما بلاااااااااااااااش>>.
No comments:
Post a Comment